打卡指南 - 馬灣公園

📸 #spreadit打卡指南 #香港 [馬灣公園]

偶爾都要由城市出走，逃離忙碌嘅都市生活，搵翻屬於自己嘅節奏🧳。

今次小編要介紹俾大家嘅地方就位於青衣同大嶼山之間係馬灣公園🥳！原來馬灣除咗挪亞方舟、東灣泳灘之外，仲有其他地方等住你去發掘㗎👀！

其中一個熱門打卡點就係意中園啦！ 📸

意中園嘅灌木叢、鮮花同樹好似被施咗魔法一樣，變成一條通往童話世界嘅花卉隧道 🧙🏻 ♀️ 。雖然隧道唔算好長，但只要搵啱角度，就可以影到一條連綿不斷嘅花花隧道啦🌺💐！

意中園入面仲有一個充滿歐陸風情嘅六柱涼亭俾大家稍作休息，半圓形嘅通花頂俾藤蔓包圍住，中間仲有一個教堂鐘添 🔔

花花隧道嘅前面係一個掛住時鐘嘅英式鐵閘， 鐵閘俾唔同植物色圍住，唔講以為即將要行入一棟古老嘅英式莊園添啊！ 🤤

不過唔講唔知，原來意中園除咗好啱打卡之外，背後亦有特別嘅含意 😲 ，想知嘅話，大家不妨自己去探索嚇啦！ 🕵🏻

🧡 打卡點：馬灣公園

🧡 地址：香港新界馬灣田寮村45號

🧡 前往方法：渡輪/巴士 （詳情可以參考官方網頁）

———————————————

女神指數： 👸🏻👸🏻👸🏻👸🏻

易影指數： 📷📷📷

寬敞指數： 👥👥

抵玩指數： 💰💰💰💰💰

方便指數： 🚗🚗🚗🚗🚗

推薦度： 👍🏻👍🏻👍🏻👍🏻

‍